IFLA – UNESCO Manipesto ng Pampaaralang Silid-aklatan 2025 Poster

Abstract

Ang IFLA-UNESCO Manipesto ng Pampaaralang Silid-aklatan 2025 ay ang binago at pinaunlad na edisyon ng dating IFLA/UNESCO Manipesto ng Pampaaralang Silid-aklatan: Ang Pampaaralang Silid-aklatan sa Pagtuturo at Pagkatuto (1999). Ang edisyong ito ay sumasalamin sa maraming kalagayan at pagbabago sa teknolohiya, lipunan at edukasyon, at kumakatawan sa isang mahalaga at kapaki-pakinabang na instrumento sa pagtataguyod ng pampaaralang silid-aklatan para sa mataas na kalidad at inklusibong edukasyon. Ang nilalaman nito ay bunga ng kolaboratibong likha ng IFLA, IASL at ng pandaigdigang komunidad ng pampaaralang silid-aklatan. Ito ay opisyal na naisapubliko sa wikang Ingles sa pamamagitan ng IFLA School Libraries Section Standing Committee at ng IASL-International Association of School Librarianship noong ika-12 ng Setyembre 2021, na pinagtibay ng IFLA Governing Board noong ika-17 ng Abril 2023. Ang Manipesto ay muling pinagtibay noong ika-13 Sesyon ng Intergovernmental Council of UNESCO’s Information for all Programme (IFAP) noong Abril 2025.